ਅੰਮ੍ਰਿਤਸਰ: ਨਸ਼ੇ ਦੀ ਓਵਰਡੋਜ਼ ਨਾਲ ਸੂਰਜ ਨਾਂ ਦੇ ਵਿਅਕਤੀ ਦੀ ਮੌਤ ਹੋ ਗਈ। ਥਾਣਾ ਸੁਲਤਾਨਵਿੰਡ ਦੀ ਪੁਲਿਸ ਨੇ ਮੰਨੂੰ, ਹੈਪੀ ਅਤੇ ਸਾਜਨ ਵਾਸੀ ਪਿੰਡ ਪੰਡੌਰਾ ਸੁਲਤਾਨਵਿੰਡ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ। ਮ੍ਰਿਤਕ ਦੇ ਪਿਤਾ ਕਿਸ਼ਨ ਯਾਦਵ ਨੇ ਦੱਸਿਆ ਕਿ ਉਨ੍ਹਾਂ ਦਾ ਬੇਟਾ ਸੂਰਜ ਆਪਣੇ ਦੋਸਤ ਸਾਜਨ ਨਾਲ ਮੋਟਰਸਾਈਕਲ 'ਤੇ ਮੇਲਾ ਦੇਖਣ ਗਿਆ ਸੀ ਪਰ ਰਾਤ ਨੂੰ ਵਾਪਸ ਨਹੀਂ ਆਇਆ। ਸਵੇਰੇ ਕਿਸੇ ਨੇ ਦੱਸਿਆ ਕਿ ਸੂਰਜ ਮੰਨੂੰ ਅਤੇ ਹੈਪੀ ਦੇ ਘਰ ਮ੍ਰਿਤਕ ਪਿਆ ਸੀ। ਸਾਜਨ, ਮੰਨੂੰ ਅਤੇ ਹੈਪੀ ਨੇ ਇਕੱਠੇ ਨਸ਼ਾ ਕੀਤਾ ਹੈ ਅਤੇ ਸੂਰਜ ਦੀ ਮੌਤ ਨਸ਼ੇ ਦੀ ਓਵਰਡੋਜ਼ ਕਾਰਨ ਹੋਈ ਹੈ। ਪੁਲਿਸ ਨੇ ਮੁਲਜ਼ਮ ਨੂੰ ਫੜਨ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ।
