ਪੰਜਾਬ 'ਚ ਨਵਰਾਤਰੀ ਦੇ ਪਹਿਲੇ ਦਿਨ ਸੋਨੇ ਦੀਆਂ ਕੀਮਤਾਂ 'ਚ ਵਾਧਾ,

ਪੰਜਾਬ ਡੈਸਕ : ਤਿਉਹਾਰਾਂ ਦਾ ਸੀਜ਼ਨ ਸ਼ੁਰੂ ਹੋ ਗਿਆ ਹੈ। ਨਵਰਾਤਰੀ ਦਾ ਤਿਉਹਾਰ 3 ਅਕਤੂਬਰ ਤੋਂ ਸ਼ੁਰੂ ਹੋਇਆ ਹੈ। ਇਸ ਦੌਰਾਨ ਨਵਰਾਤਰੀ ਦੇ ਪਹਿਲੇ ਦਿਨ ਸੋਨਾ ਮਹਿੰਗਾ ਹੋ ਗਿਆ ਹੈ। ਦਿੱਲੀ, ਨੋਇਡਾ, ਜੈਪੁਰ, ਮੁੰਬਈ ਵਰਗੇ ਵੱਡੇ ਸ਼ਹਿਰਾਂ 'ਚ 22 ਕੈਰਟ ਸੋਨੇ ਦੀ ਕੀਮਤ 71,000 ਰੁਪਏ ਅਤੇ 24 ਕੈਰਟ ਸੋਨੇ ਦੀ ਕੀਮਤ 77,600 ਰੁਪਏ ਹੋ ਗਈ ਹੈ। ਪੰਜਾਬ 'ਚ ਅੱਜ 24 ਕੈਰਟ ਸੋਨੇ ਦੀ ਕੀਮਤ 77,730 ਰੁਪਏ। ਜਦਕਿ 1 ਕਿਲੋ ਚਾਂਦੀ ਦੀ ਕੀਮਤ 95000 ਰੁਪਏ ਦੱਸੀ ਗਈ ਹੈ। ਜੇਕਰ ਪੰਜਾਬ 'ਚ ਸੋਨੇ ਦੀ ਕੀਮਤ ਦੀ ਗੱਲ ਕਰੀਏ ਤਾਂ 3 ਸਤੰਬਰ ਨੂੰ 24 ਕੈਰਟ ਸੋਨੇ ਦੀ ਕੀਮਤ 73500 ਰੁਪਏ ਹੋ ਗਈ ਹੈ ਜਦਕਿ 3 ਅਕਤੂਬਰ ਨੂੰ ਇਹ 77800 ਰੁਪਏ ਹੋ ਗਈ ਹੈ। ਯਾਨੀ ਇਕ ਮਹੀਨੇ 'ਚ ਸੋਨਾ 4500 ਰੁਪਏ ਮਹਿੰਗਾ ਹੋ ਗਿਆ ਹੈ।