Entertainment: ਦਿਲਜੀਤ ਨੇ ਫੈਨ ਦੀ ਟੀ-ਸ਼ਰਟ ਤੋਂ ਹਟਵਾਇਆ ਆਪਣਾ ਨਾਮ
ਚੰਡੀਗੜ੍ਹ, 8 ਸਤੰਬਰ -: ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਦੇ ਇਟਲੀ ਦੇ ਮਿਲਾਨ ਕੰਸਰਟ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਵਿੱਚ ਦਿਲਜੀਤ ਇੱਕ ਵਿਦੇਸ਼ੀ ਫੈਨ ਦੀ ਟੀ-ਸ਼ਰਟ ਦੇਖ ਕੇ ਉਸ ਨੂੰ ਸਮਝਾਉਂਦੇ ਨਜ਼ਰ ਆਏ। ਦਰਅਸਲ ਫੈਨ ਨੇ ਚਿੱਟੇ ਰੰਗ ਦੀ ਕਸਟਮ-ਪ੍ਰਿੰਟਿਡ ਟੀ-ਸ਼ਰਟ ਪਾਈ ਹੋਈ ਸੀ, ਜਿਸ ‘ਤੇ ਸਿੱਖ ਧਰਮ ਦੇ ਪਵਿੱਤਰ ਸ਼ਬਦ ‘ਇਕ ਓਂਕਾਰ’ ਦੇ ਨਾਲ ਦਿਲਜੀਤ ਦਾ ਨਾਮ ਲਿਖਿਆ ਹੋਇਆ ਸੀ। ਟੀ-ਸ਼ਰਟ ‘ਤੇ ਨਜ਼ਰ ਪੈਂਦੇ ਹੀ ਦਿਲਜੀਤ ਨੇ ਫੈਨ ਨੂੰ ਸਮਝਾਇਆ ਕਿ ‘ਇਕ ਓਂਕਾਰ’ ਦੇ ਨਾਲ ਉਨ੍ਹਾਂ ਦਾ ਨਾਮ ਨਹੀਂ ਲਿਖਿਆ ਜਾਣਾ ਚਾਹੀਦਾ।
ਵਾਇਰਲ ਵੀਡੀਓ ਵਿੱਚ ਦਿਲਜੀਤ ਫੈਨ ਨੂੰ ਸ਼ਾਂਤ ਢੰਗ ਨਾਲ ਸਮਝਾਉਂਦੇ ਦਿਖਾਈ ਦਿੰਦੇ ਹਨ ਕਿ ‘ਇਕ ਓਂਕਾਰ’ ਬਹੁਤ ਪਵਿੱਤਰ ਅਤੇ ਅਨਮੋਲ ਹੈ। ਉਨ੍ਹਾਂ ਕਿਹਾ ਕਿ ਸ਼ਾਇਦ ਫੈਨ ਨੂੰ ਇਸ ਬਾਰੇ ਜਾਣਕਾਰੀ ਨਹੀਂ ਸੀ ਅਤੇ ਉਸ ਵੱਲੋਂ ਇਹ ਜਾਣਬੁੱਝ ਕੇ ਨਹੀਂ ਕੀਤਾ ਗਿਆ। ਦਿਲਜੀਤ ਦੀ ਗੱਲ ਸੁਣਨ ਤੋਂ ਬਾਅਦ ਫੈਨ ਨੇ ਸਟੇਜ ‘ਤੇ ਹੱਥ ਜੋੜ ਕੇ ਮੁਆਫ਼ੀ ਮੰਗੀ। ਇਸ ‘ਤੇ ਦਿਲਜੀਤ ਨੇ ਵੀ ਦਰਸ਼ਕਾਂ ਨੂੰ ਉਸ ਨੂੰ ਮੁਆਫ਼ ਕਰਨ ਦੀ ਅਪੀਲ ਕੀਤੀ।
ਦਿਲਜੀਤ ਦੋਸਾਂਝ ਇਨ੍ਹੀਂ ਦਿਨੀਂ ਆਪਣੇ ਅੰਤਰਰਾਸ਼ਟਰੀ ਕੰਸਰਟਾਂ ਵਿੱਚ ਰੁੱਝੇ ਹੋਏ ਹਨ ਅਤੇ ਦੁਨੀਆ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਲਾਈਵ ਪਰਫਾਰਮ ਕਰ ਰਹੇ ਹਨ।
.jpeg)
